Ar ôl pum mlynedd, mae Syr Bryn Terfel yn ôl gyda’i albwm newydd ‘Dreams and Songs’ – i’w ryddhau ar 14 Medi ar label Deutsche Grammophon. Mae’n gasgliad o’i hoff alawon, wedi’i recordio gyda cherddorfaeth newydd ac yn cynnwys gwesteion arbennig iawn.

Dywed Syr Bryn: “Mae wedi bod yn fraint cael dychwelyd i’r stiwdio i recordio rhai o’m hoff repertoire cyngerdd. Caneuon, deuawdau a rhai encorau comedi dwi wrth ym modd yn ei ganu. Rwy’n ffodus iawn cael rhannu’r albwm newydd hon gydag artistiaid arbennig, ac i recordio yn Stiwdio eiconig Abbey Road – anhygoel. Fel y dywed yn ‘Fields of Athenry’.. dreams and songs to sing.”