Angharad Lyddon

Graddiodd y Mezzo-Soprano Angharad Lyddon o’r Royal Academy of Music yn Llundain lle bu’n astudio gyda Janice Chapman, Audrey Hyland a Glenville Hargreaves ar y Diploma Uwch mewn Opera a chyrsiau gradd B. Mus ac M. A. yn y coleg.  Mae’n parhau i astudio gyda Janice Chapman.

Yn ystod ei hamser yn y Royal Academy of Music, perfformiodd Lucretia yn The Rape of Lucretia, Baba the Turk yn The Rake's Progress, Zita yn Gianni Schicchi, Filipyevna yn Eugene Onegin, Madame de la Haltière yn Cendrillon a Polinesso yn Ariodante. Mewn golygfeydd opera mae wedi perfformio y Prif Ran yn Carmen, 1st Maid yn Elektra, Nancy yn Albert Herring, Orfeo yn Orfeo ed Euridice, Older Woman yn Flight a Marcellina yn Le nozze di Figaro.

Gwnaeth Angharad ei début proffesiynol gyda English National Opera yn 2015 fel Kate yn Pirates of Penzance a pherfformiodd y rhan drachefn mewn cynhyrchiad newydd yn 2017. Canodd ran Daughter of Akhnaten yn eu hadfywiad o gynhyrchiad Phelim McDermott o Akhnaten yn 2019. Mae hefyd wedi dirprwyo Hermia yn A Midsummer Night’s Dream, Perdita yn The Winter’s Tale a Schoolboy, Dresser a Waiter yn Lulu i’r cwmni.

Mae ei rolau operatig eraill yn cynnwys Olga yn Eugene Onegin yng Ngŵyl Ryngwladol Buxton a Flosshilde yn Das Rheingold yng Ngŵyl Grimebron yn 2019, Hansel ym Mhrosiect Addysg Iford Arts 2018, Gingerbread, Suzuki yn Madama Butterfly i Salon Opera, Llundain, Julia Bertram yn Mansfield Park gyda The Grange Festival, Cherubino yn The Marriage of Figaro i Clonter Opera a Dritte Dame yn Die Zauberflöte at the Åbo Svenska Theater yn y Ffindir. Roedd hi’n Jerwood Young Artist gyda Glyndebourne yn 2013 ac yn 2016, canodd ran Woodpecker yn Cunning Little Vixen a dirprwyo Hermia iddynt. Mae hi hefyd wedi dirprwyo rhannau Polinesso yn Ariodante ac Alto yn Trauernacht - perfformiad llwyfan yn seiliedig ar gantata cysegredig J. S. Bach – i’r Festival d'Aix en Provence.

Mae Angharad yn Artist Samling ac mae ei huchafbwyntiau cyngerdd yn cynnwys perfformiadau yn y Wigmore Hall, The Faun and the Shepherdess a Requiem Canticles Stravinsky gyda’r London Philharmonic Orchestra dan arweiniad Vladimir Jurowski yn y Royal Festival Hall, Cantatas Bach gyda Sir John Eliot Gardiner a Meseia Handel yn y Royal Albert Hall.  Mae ei hymrwymiadau cyngerdd diweddar yn cynnwys datganiadau yn Neuadd Dewi Sant, Caerdydd a Gŵyl Gerdd y Bontfaen, rhannau Marta a Pantalis mewn perfformiad cyngerdd o Mefistofele gan Boito i’r Chelsea Opera Group yn y Southbank Centre, taith o Elijah Mendelssohn yng Nghaerdydd, Tŷ Ddewi a Berlin, Mahler 2 gyda Cherddrofa Symffoni Horsham, cyngerdd i ddathlu 250 mlwyddiant geni Beethoven gyda Cherddorfa Opera Cenedlaethol Cymru a Cherddorfa a Chorws Cenedlaethol Cymreig y BBC a chyngerdd Gŵyl Ddewi gyda BBC NOW.

Cyrhaeddodd Angharad Rownd Derfynol y Wobr Datganiad yng nghystadleuaeth BBC Canwr y Byd Caerdydd 2019 lle roedd hi’n cynrychioli Cymru.

Mae ei llwyddiannau eraill mewn cystadleuthau yn cynnwys canu yn rownd gyn-derfynol Cystadleuaeth Ganu Ryngwladol Wigmore Hall, yr ail wobr yng Nghystadleuaeth Llais Ryngwladol y Dyfodol yn Eisteddfod Gerddorol Ryngwladol Llangollen, y drydedd wobr yn y Das Lied International Song Competition 2015 a lle yn rownd derfynol cystadleuaeth Maureen Leharne, Wigmore Hall.

Mae ei hymrwymiadau diweddar yn cynnwys Hippolyta yn A Midsummer Night’s Dream a Musica yn Manon Lescaut i The Grange Festival ac Olga yn Eugene Onegin i West Green House Opera.

Rydym yn diweddaru'n bywgraffiadau yn gyson, felly cysylltwch â ni am y fersiwn ddiweddaraf, os gwelwch yn dda. 

Opera

A Midsummer Night's Dream

Eugene Onegin

Eugene Onegin

Eugene Onegin

Mefistofele

Mefistofele

Mansfield Park

Mansfield Park

The Pirates of Penzance

Gianni Schicchi

Eugene Onegin

Concerts & Recitals

Competitions