Meinir Wyn Roberts

Graddiodd y soprano Meinir Wyn Roberts o’r Royal Northern College of Music, Manceinion gydag Anrhydedd Dosbarth Cyntaf cyn mynd ymlaen i gwblhau gradd M.A. yn y Royal Academy of Music, Llundain. Erbyn hyn, mae wedi cwblhau’r Cwrs Opera yno, lle cafodd ei dysgu gan Lillian Watson a Jonathan Papp.

Drwy gydol ei hastudiaethau, cafodd Meinir gefnogaeth ariannol hael gan Gronfa Goffa Ryan Davies; The Seary Trust; The Hartsheath Charitable Trust; The Kathleen Trust; The Richard Stapley Trust; The Elizabeth Evans Trust; Lucille Graham Prize; Maida Jones Award; The Mills- Williams Award a Chyngor Celfyddydau Cymru.

Yn yr haf eleni, bydd Meinir yn gwneud ei début yn y rôl Magda yn La Rondine gan Puccini ar gyfer y cwmni newydd If Opera (Iford Arts gynt). Ymysg ei hymrwymiadau eraill y tymor yma bydd dirprwyo rôl Musetta yn La Boheme ar gyfer Opera Canolbarth Cymru. Y llynedd, perfformiodd Meinir rôl The Milliner yn Der Rosenkavalier tra'n dirprwyo rôl Melissa yn Amadigi gan Handel. Bu hefyd yn unawdydd soprano yng nghyngerdd Opera Canolbarth Cymru - Sounds of Summer - Garden Concert ac hefyd gyda Scottish Opera ar gyfer eu taith Uchafbwyntiau Opera. Canodd Meinir rôl Jini ar drac sain Ffilm Operatig Gymraeg newydd yn seiliedig ar y nofel Un Nos Ola Leuad ar gyfer OPRA Cymru gyda cherddorfa Cwmni Opera Cenedlaethol Cymru.

Yn 2019, gwnaeth Meinir ei début yn rhan Helena yn A Midsummer Night’s Dream gyda Nevill Holt Opera. Bu hefyd yn perfformio rhan Donna Elvira yn Don Giovanni gydag Opra Cymru a hefyd mewn perfformiad cyngerdd gyda Cherddorfa Siambr Covent Garden. Yn 2018, ymunodd Meinir â chorws Glyndebourne Festival Opera ar gyfer eu cynyrchiadau o Saul, Vanessa a Giulio Cesare, a hefyd Glyndebourne Touring Opera ar gyfer eu taith yn yr Hydref, lle bu hefyd yn dirprwyo rhan Noémie yn Cendrillon i’r cwmni.

Ymysg ei rolau fel aelod o Royal Academy Opera mae’r rhan deitl yn Alcina, Donna Elvira yn Don Giovanni, Minerve yn Orphee aux enfers, Tina yn Flight a Polly Peachum yn Die Dreigroschenoper. Mae hefyd wedi perfformio rhannau Agilea yn Teseo gyda’r La Nuova Musica yn y London Handel Festival, Micaëla yn Carmen gyda Opra Cymru a First Young Tree a Chorws yng nghynhyrchiad British Youth Opera o Paul Bunyan. Mae ei pherfformiadau operatig eraill yn cynnwys Colette yn The Drunkard Reformed a Fortuna yn Il Ritorno d’Ulisse in Patria gyda’r Royal Northern College of Music. Mewn golygfeydd opera mae Meinir wedi perfformio rhannau Tatyana yn Eugene Onegin; Donna Anna yn Don Giovanni; Fiordiligi yn Cosi Fan Tutte; Soeur Constance yn Carmelites; Flower Maiden yn Parsifal; Nannetta yn Falstaff; Zerlina yn Don Giovanni; Lucia yn The Rape of Lucretia; Gretel yn Hansel and Gretel a Rosalinde yn Die Fledermaus.

Yn nhymor 2017/18, perfformiodd Meinir mewn datganiad yn Neuadd Wigmore, Llundain fel rhan o’r Royal Academy Song Circle Group. Mae hi’n unawdydd poblogaidd gyda chymdeithasau corawl ar draws y wlad gyda’i huchafbwyntiau yn cynnwys perfformio yng nghyngerdd agoriadol Eisteddfod Gerddorol Ryngwladol Llangollen 2017 gyda Cherddorfa Opera Cenedlaethol Cymru a pherfformio mewn Cinio Gala yng Ngŵyl Gymreig Gogledd America yn Columbus, Ohio.

Mae ei darllediadau teledu yn cynnwys perfformiadau ar ‘Noson Lawen’, ‘Dechrau Canu, Dechrau Canmol’ a ‘Heno’ ar gyfer S4C.

Mae Meinir wedi ennill nifer o wobrau, gan gynnwys Cystadleuaeth Llais y Dyfodol yn Eisteddfod Gerddorol Ryngwladol Llangollen 2015 ac Ysgoloriaeth W. Towyn Roberts, Gwobr Goffa Osborne Roberts – Y Rhuban Glas - ac Ysgoloriaeth Violet Mary Lewis yn Eisteddfod Genedlaethol Cymru. Tra yn y Royal Northern College of Music, roedd yn rwond derfynol eu cystadleuaeth Medal Aur o fri;  fe’i cymeradwywyd yng Ngwobr Frederic Cox ac fe dderbyniodd Wobr Goffa Elizabeth Harwood 2014 a Gwobr y Fonesig Eva Turner. 

Rydym yn diweddaru'n bywgraffiadau yn gyson, felly cysylltwch â ni am y fersiwn ddiweddaraf, os gwelwch yn dda. 

Holds out huge promise for future seasons: If Opera’s La Rondine reviewed

If Opera delights its audiences with blossoming talent in Belcombe Court’s gardens

A light touch and some rattling good tunes: Puccini's La rondine from IF Opera at Belcombe Court

La rondine, If Opera review - a bold opening gambit from a company changing the business of opera

Opera

A Midsummer Night's Dream

Teseo

Teseo

Concerts & Recitals

Opera Highlights: A splendid evening of operatic vignettes

Opera Highlights, Beacon Arts Centre, Greenock